LOAF TIDINGS

ആഗോളതലത്തിൽ അമേരിക്കയിലും മറ്റു യൂറോപ്പ്യൻ രാഷ്ട്രങ്ങളിലും വർഷംതോറും നടത്തിവരാറുള്ള മാർച്ച് ഫോർ ലൈഫ് എന്ന ബഹുജന റാലി ജീവൻറെ മൂല്യത്തെ പ്രത്യേകിച്ച് മനുഷ്യ ജീവൻറെ മൂല്യം ഉയർത്തി കാണിക്കുവാനാണ് നടത്തിവരുന്നത്.ഇന്ത്യയിൽ 2022 ൽ ഡൽഹിയിലും 2023 ൽ പൂനയിലും മാർച്ച് ഫോർ ലൈഫ് നടത്തിയിരുന്നു. 2024 ൽ ദൈവത്തിൻറെ സ്വന്തം നാട് എന്നറിയപ്പെടുന്ന കേരളത്തിൽ വച്ചാണ് മാർച്ച് ഫോർ ലൈഫ് നടത്തുന്നത്.

ജീവൻ ഉണ്ടാകുവാനും അത് സമൃദ്ധമായി നൽകാനും വന്ന യേശുനാഥന്റെ വചനങ്ങൾക്ക് അനുസരിച്ച് ജീവൻറെ സുവിശേഷം ലോകത്തെ അറിയിക്കുവാനാണ് ദൈവത്തിൻ്റെ സ്വന്തം നാട്ടിൽ മാർച്ച് ഫോർ ലൈഫ്നടത്തുന്നത്. ഭാരതത്തിൽ ഇത്തരത്തിൽ മാർച്ച് ഫോർ ലൈഫ് നടത്തുന്നതിന് വലിയ പ്രാധാന്യമുണ്ട്.കാരണം പ്രതിവർഷം 1.66 കോടി മനുഷ്യ കുരുന്നുകളാണ് ഇന്ത്യയിൽ അമ്മമാരുടെ ഉദരത്തിൽ വച്ച് കൊല ചെയ്യപ്പെടുന്നതായി ഔദ്യോഗിക കണക്കുകൾ സൂചിപ്പിക്കുന്നത്.

1971 ലെ എം ടി പി ആക്ട് (മെഡിക്കൽ ടെർമിനേഷൻ ഓഫ് പ്രഗ്നൻസി ആക്ട്) എന്ന നിയമത്തിൻ്റെ മറവിലാണ് ഇത്രത്തോളം കുഞ്ഞുങ്ങൾ കൊലചെയ്യപ്പെട്ടു കൊണ്ടിരിക്കുന്നത്.ഏകദേശം പതിനെട്ടോളം നിയമങ്ങൾ കുട്ടികളുടെ സംരക്ഷണത്തിനായി ഭാരതത്തിൽ നിലവിലുണ്ടെന്ന് അറിയപ്പെടുന്നു.എന്നാൽ ഡെമോ ക്ലേഷ്യൻ വാളുപോലെ എം ടി പി ആക്ട് എന്ന ഭ്രൂണഹത്യാനിയമം ഇവക്കെല്ലാം മുകളിൽ കുഞ്ഞുങ്ങളുടെ ജീവനെടുക്കുന്നതിനുവേണ്ടി നിലകൊള്ളുന്നു വെന്നുള്ളത് ഒരു വൈരുദ്ധ്യമായി കാണുന്നു.

അതിനാൽ തന്നെ ഈ നിയമത്തെ റദ്ദ് ചെയ്യേണ്ടത് അനിവാര്യമാണ്.സുഭാഷിതം 21 : 23 ൽ ഇപ്രകാരം പറയുന്നു "നിഷ്കളങ്കന്റെ നിലവിളിച്ച് ചെവി കൊടുക്കാത്തവൻ നിലവിളിക്കാനിടവരും അപ്പോൾ ആരും തന്നെ അവനെ ശ്രവിക്കുകയില്ല". ഇന്ന്മക്കൾ ശ്രദ്ധിക്കുന്നില്ല എന്ന നിലവിളി പല കുടുംബങ്ങളിൽ നിന്നും നാം കേൾക്കുന്നു.ദൈവം കനിഞ്ഞ് അനുഗ്രഹിച്ച് യഥാസമയം നൽകിയ മക്കളെ വേണ്ടെന്നു വെച്ചതുകൊണ്ട് പ്രായമായപ്പോൾ സംരക്ഷിക്കാൻ ആളില്ലാത്തഅവസ്ഥ സംജാതമായിരിക്കുന്നു. കേരളത്തിലെവൃദ്ധ ജനസംഖ്യ കൂടിവരുന്ന സാഹചര്യത്തിൽ ഇനിയും ജനിക്കാനിരിക്കുന്ന കുഞ്ഞുങ്ങൾക്ക് ജനിക്കാൻ അവസരം നൽകേണ്ടത് അനിവാര്യണ്.

ഓരോ കുഞ്ഞും നാടിന്റെ നന്മയ്ക്കാണെന്നും ജനസംഖ്യ ബാധ്യതയല്ല ആസ്തിയാണെന്നും തിരിച്ചറിയുവാൻ ഇനിയും വൈകിക്കൂടാ...

 ജയിംസ് ആഴ്ചങ്ങാടൻ പേജ് - 3ൽ തുടർന്ന് വായിക്കുക..