LOAF Thrissur Newsletter

ഒരിക്കലുമല്ല.. എന്റെ ജീവിതത്തിലെ ഒരു കൊച്ചു അനുഭവമാണ് ഞാനിവിടെ ഷെയർ ചെയ്യുന്നത്.

"എന്നെ ശക്തനാക്കുന്നവനിലൂടെ എനിക്ക് എല്ലാം ചെയ്യാൻ സാധിക്കും" എന്ന വചനം മുറുകെപ്പിടിച്ച് ജീവിതത്തിലെ പല ഘട്ടങ്ങളിലൂടെയും യാത്ര ചെയ്ത ഒരു വ്യക്തിയാണ് ഞാൻ. വിവാഹം കഴിഞ്ഞ നാളുകളിൽ എന്റെ പഠനം ഒരു ഘട്ടത്തിലും എത്തിയിട്ടില്ലായിരുന്നു. എന്നെ സംബന്ധിച്ച് കുട്ടികളാണ് എന്റെ ജീവിതത്തിലെ ഏറ്റവും വലിയ ഒരു സ്വത്ത്. അതിനാൽ തന്നെ വിവാഹം കഴിഞ്ഞ് രണ്ടു കുഞ്ഞുങ്ങളും സ്കൂളിൽ പോകുന്നവരെ ഞാൻ വീണ്ടും ഒരു പഠനത്തെ പറ്റി ചിന്തിച്ചിട്ടില്ലായിരുന്നു. അങ്ങനെയിരിക്കയാണ്, എന്റെ രണ്ടാമത്തെ മകൻ യുകെജിയിൽ പഠിക്കുമ്പോൾ വീണ്ടും ഒരു പഠനത്തെ പറ്റി ചിന്തിക്കുന്നത്. എന്തു പഠിക്കണം, എവിടെ നിന്ന് തുടങ്ങണം, എന്ന് ചിന്തിച്ചിരിക്കുമ്പോൾ പ്രാർത്ഥിച്ചു മനസ്സിലേക്ക് കടന്നുവന്ന ഒരു മേഖലയാണ് സംഗീത പഠനം. ഇനി ഒരു പഠനത്തിനായി ഒരുങ്ങുമ്പോൾ അത് എന്റെ ജീവിതത്തിലേക്ക് ഒരു വഴിത്തിരിവ് ആവണം എന്ന് എന്റെ ഭർത്താവിന് ആഗ്രഹമുണ്ടായിരുന്നു. അങ്ങനെ പലരോടും അഭിപ്രായം ചോദിച്ചു എടുത്ത ഒരു പഠന മേഖലയാണ് സംഗീത ബിരുദം. അങ്ങനെ ഞാൻ സംഗീത ബിരുദം മദ്രാസ് യൂണിവേഴ്സിറ്റിയിൽ നിന്ന് പാസായി. ഡോ. ഫാ. പോൾ പൂവത്തിങ്കൽ, ദേശമംഗലം നാരായണൻ മാഷ്, ഗീത ടീച്ചർ എന്നിവരുടെ കീഴിൽ സംഗീതം ബിരുദം പൂർത്തിയാക്കി. അങ്ങനെ സംഗീത പഠനത്തിന്റെ അവസാന വർഷത്തിലാണ് ഒട്ടും പ്രതീക്ഷിക്കാതെ സിഎംസി നിർമല പ്രൊവിൻസിൽ കണ്ടശ്ശാങ്കടവ് സ്കൂളിൽ ഒരു മ്യൂസിക് ടീച്ചറുടെ ഒഴിവ് വരുന്നത്. ഒരു ടീച്ചർ ആവണം എന്നുള്ളതിനേക്കാൾ ഉപരി മ്യൂസിക് പഠിച്ച് സ്വന്തമായി ഒരു ഇൻസ്റ്റിറ്റ്യൂഷൻ തുടങ്ങാൻ ആയിട്ട് ആഗ്രഹിച്ച ഒരു വ്യക്തിയാണ് ഞാൻ പക്ഷേ കർത്താവിന്റെ പദ്ധതികൾ അതിലും അപ്പുറത്തായിരുന്നു. അങ്ങനെ ഞാൻ കണ്ടശ്ശാങ്കടവ് സ്കൂളിൽ ജോയിൻ ചെയ്തു. 2015 കാലഘട്ടത്തിലാണ് സ്കൂളിലേക്ക് വരുന്നത്. മുമ്പ് ഒരു സ്കൂളിലും വർക്ക് ചെയ്തു പരിചയമില്ലാത്ത ഒരാളാണ് ഞാൻ. കല്യാണത്തിന് മുമ്പ് എന്റെ മേഖല എന്ന് പറയുന്നത് ഇലക്ട്രോണിക്സ് എൻജിനീയറിങ്ങിലെ ഡിപ്ലോമയായിരുന്നു. എന്റെ ബിരുദം തികച്ചും വ്യത്യസ്തമായ ഒരു മേഖലയിലേക്ക് കർത്താവ് എത്തിച്ചപ്പോൾ എന്ത് ചെയ്യണം എന്ന് അറിയാതെ ഞാൻ പലപ്പോഴും വിഷമിച്ചിരുന്നു. ഓരോ കാര്യം സ്കൂളിൽ ചെയ്യുമ്പോഴും എനിക്ക് വളരെ പേടിയായിരുന്നു കാര്യം ഇത്രയും വലിയ ഒരു സ്കൂളിൽ ജോലി ചെയ്യുന്നതിനായി എനിക്ക് അറിവില്ലായിരുന്നു കലോത്സവ ദിവസങ്ങളിൽ എനിക്ക് എടുക്കേണ്ടിവന്ന മാനസിക സമ്മർദ്ദങ്ങളിലും കർത്താവിന്റെ കൂടെ ചേർന്ന് നിന്നാണ് എന്നെ നയിച്ചിരുന്നത് പഠിക്കാൻ പോകുന്ന സമയങ്ങളിലും സ്കൂളിൽ പോകുന്ന സമയങ്ങളിലും കുട്ടികളെ സംരക്ഷിക്കാൻ കർത്താവ് കൂടെ നിന്നിരുന്നു. പോകുന്ന ഓരോ വഴിയിലും എന്നെ നയിക്കാനായി, എന്നെ കൈപിടിച്ചു നടത്തുവാൻ ആയി എന്റെ കൂടെ നിന്നിരുന്നു. ഈ കാലഘട്ടത്തിൽ ഒക്കെയും എന്റെ ഭർത്താവും വീട്ടുകാരും മാതാപിതാക്കളും എന്റെ കൂടെ നിന്നിരുന്നു.

ജോലി മേഖലകളിൽ കർത്താവ് വളരെ ഉന്നത വിജയം ആണ് ഈ കാലമത്രയും എനിക്ക് തന്നത്. ഞാൻ ആഗ്രഹിക്കുന്നതിൽ കൂടുതൽ എന്റെ കർത്താവ് എന്നെ കൂടെ നിന്ന് വഴി നടത്തി. ഈ കഴിഞ്ഞ യുവജനോത്സവത്തിലും കർത്താവിന്റെ കരം എനിക്ക് താങ്ങായി വന്നു. അങ്ങനെ ഇന്ന് ഞാൻ ഒരു എയ്ഡഡ് സ്കൂളിൽ പഠിപ്പിച്ചുവരുന്നു.

“ആദ്യം അവിടുത്തെ രാജ്യവും നീതിയും അന്വേഷിക്കുക. ബാക്കിയുള്ളവയെല്ലാം കൂട്ടിച്ചേർക്കപ്പെടും” എന്നുള്ള വചനം വളരെ പ്രസക്തമാണ്. ദേവാലയ ഗായക സംഘത്തിൽ വളരെ സജീവമായി പ്രവർത്തിക്കാനായിട്ട് അവസരം ലഭിച്ചിട്ടുണ്ട്. തുടർന്ന് ദൈവത്തിനു വേണ്ടി പ്രഘോഷിക്കാൻ കിട്ടുന്ന ഓരോ അവസരങ്ങളും പാഴാക്കാറില്ല. ജീവിതത്തിന്റെ ഓരോ ഘട്ടങ്ങളിലൂടെ കടന്നു പോകുമ്പോൾ കർത്താവിന്റെ കരം മുറുകെപ്പിടിച്ച് മുന്നേറാൻ ദൈവം അനുഗ്രഹിക്കാറുണ്ട്. എന്റെ ജീവിതത്തിലെ ഓരോ ഘട്ടങ്ങളിലും എന്നെക്കാൾ മുൻപേ തന്നെ എന്റെ കാവൽ മാലാഖ ഓടിയെത്താറുണ്ട്. ദൈവം തന്ന എല്ലാ അനുഗ്രഹങ്ങൾക്കും ഒരുപാട് നന്ദി.

LOAF TIDINGS

നമ്മുടെ ജീവിതത്തിലെ കരിയറിൽ കുട്ടികൾ ഒരു തടസ്സമോ?