LOAF Thrissur Newsletter

കഴിഞ്ഞ നാളുകളിൽ എന്നെയും എന്റെ കുടുംബത്തെയും ശക്തമായി മുന്നോട്ടു നയിക്കുന്നു. സജീവവും ഊർജ്ജസ്വലവും ആയ ദൈവത്തിന്റെ വചനം ഞങ്ങളുടെ കുടുംബത്തിന്റെ വിവിധ ആവശ്യങ്ങളെയും പ്രശ്നങ്ങളിലും ശക്തമായി ഇടപെട്ടു.

"എന്റെ ദൈവം തന്റെ മഹത്വത്തിന്റെ സമ്പന്നതയിൽ നിന്ന് പുത്രനായ യേശുക്രിസ്തു വഴി നിങ്ങൾക്ക് ആവശ്യമുള്ളതെല്ലാം നൽകും." (ഫിലിപ്പി 4:19) ഒരു ലോഫ് ധ്യാനത്തിൽ വച്ചാണ് ഞങ്ങളുടെ കുടുംബം ഈ വചനം ഞങ്ങളുടെ കുടുംബ വചനമായി തിരഞ്ഞെടുത്തത്. സൗഖ്യദായകവും ജീവദായകവുമായ വചനം ഞങ്ങളുടെ കുടുംബത്തിൽ നൽകിയ ഒരു അനുഭവം പങ്കുവെക്കുന്നു. 2009 ജനുവരി മാസം രണ്ടാമത്തെ മകൻ സിൽവസ്റ്ററിന്റെ മൂന്നാമത്തെ ബർത്ത് ഡേയ്ക്ക് ഒരുങ്ങുന്ന സമയം. ഒരു ദിവസം അവന്റെ മുഖത്ത് നീരും പനിയും കണ്ടു തുടങ്ങി. സാധാരണ പനിയാണെന്ന് കരുതി പതിവായി കഴിക്കുന്ന മരുന്നുകൾ നൽകി. പെട്ടെന്ന് അവന്റെ ഭാവങ്ങൾ മാറിത്തുടങ്ങി. അവൻ രാത്രിയിൽ വല്ലാതെ കരയുവാനും വാശിപിടിക്കുവാനും തുടങ്ങി.

പിറ്റേന്ന് പ്രഭാതത്തിൽ ഞങ്ങൾക്ക് മുൻ പരിചയം ഉള്ള ഒരു പീഡിയാട്രിഷ്യനെ കാണിക്കുവാൻ ഞാനും ചേട്ടനും മോനും പോയി. ഡോക്ടറുടെ നിരീക്ഷണത്തിൽ അവന് "Nephrotic Syndrome " എന്ന കിഡ്നി സംബന്ധമായ രോഗമാണെന്ന് മനസ്സിലായി. മകനെ ഉടനെ ജൂബിലി മിഷൻ ഹോസ്പിറ്റലിൽ ഐസിയുവിലേക്ക് മാറ്റുവാനും അടിയന്തരമായി ചികിത്സ നൽകുവാനും ഡോക്ടർ നിർദ്ദേശിച്ചു. അടുത്ത മൂന്നു ദിവസങ്ങൾ അവൻ ഐസിയുവിൽ ആയിരുന്നു. ശക്തമായ പ്രാർത്ഥന ഉയർന്നു. പതിയെ അവൻ മരുന്നുകളോട് പ്രതികരിക്കുവാൻ തുടങ്ങി. മൂന്ന് ദിവസം കഴിഞ്ഞപ്പോൾ അവനെ റൂമിലേക്ക് മാറ്റി. ഞാനും മൂത്ത മകനും ഭാര്യയും മോന്റെ കൂടെ ആശുപത്രിയിൽ പ്രാർത്ഥനയോടെ കിടക്കുകയായിരുന്നു. മക്കൾ രണ്ടുപേരും ഉറങ്ങിയിരുന്നു. ഞാനും ഭാര്യയും ജപമാല ചൊല്ലി പ്രാർത്ഥിച്ചു കൊണ്ടിരിക്കുകയായിരുന്നു. ചാരി ഇട്ടിരുന്ന വാതിൽ താനേ തുറക്കുന്നതും ഒരു *സ്ത്രീയും കുഞ്ഞും* മുറിയിലേക്ക് വരുന്നതായും ഭാര്യക്ക് അനുഭവപ്പെട്ടു എന്ന് എന്നോട് അവൾ പറഞ്ഞു. പെട്ടെന്ന് മയങ്ങിപ്പോയ ഞാൻ ഉണർന്ന് എണീക്കുമ്പോഴേക്കും സ്ത്രീയുടെ കൂടെ വന്ന ഓമനത്തുമുള്ള കുഞ്ഞ് രോഗിയായി എന്റെ മകനെ വന്ന സ്പർശിച്ച് തിരിച്ചു കടന്നുപോയി.ഭാര്യ എന്നെ വിളിച്ച് എഴുന്നേൽപ്പിച്ച് പുറത്തുപോയി നോക്കുമ്പോൾ ഞങ്ങൾ ആ ഹോസ്പിറ്റൽ വരാന്തയിൽ ആരെയും കണ്ടില്ല. പ്രാർത്ഥനയിൽ ആയിരുന്ന ഞങ്ങളുടെ മധ്യ *പരിശുദ്ധ അമ്മ തന്റെ കുഞ്ഞു ഈശോയുമായി* വന്ന എന്റെ രോഗിയായ മകന് സുഖപ്പെടുത്തി കടന്നുപോയി എന്ന് ഞങ്ങൾ ഇന്നും ഉറച്ചു വിശ്വസിക്കുന്നു.

പിറ്റേന്ന് അവന്റെ യൂറിനും ബ്ലഡും പരിശോധിച്ചതിനുശേഷം വളരെ ശക്തമായ വ്യത്യാസം കണ്ടതായും ഡോക്ടർ സാക്ഷ്യപ്പെടുത്തി. ഡോക്ടറെ പോലും അത്ഭുതപ്പെടുത്തിയ സംഭവം പിന്നീട് അദ്ദേഹം പഠിപ്പിക്കുന്ന വിദ്യാർത്ഥികൾക്ക് കേസ് സ്റ്റഡി അദ്ദേഹം വിവരിച്ച് നൽകുകയും ചെയ്തു. മകനുണ്ടായ രോഗസൗഖ്യത്തിന് ശേഷം പിന്നീട് രണ്ടു വർഷത്തോളം follow up ചികിത്സ ചെയ്തു. പിന്നീട് 16 വർഷങ്ങൾക്കുശേഷം അവനെ ഈ രോഗത്തിന്റെ ഒരു ബുദ്ധിമുട്ടും ഉണ്ടായില്ല.

"എന്റെ ദൈവം തന്റെ മഹത്വത്തിന്റെ സമ്പന്നതയിൽ യേശുക്രിസ്തു വഴി "എന്നെയും എന്റെ കുടുംബത്തെയും സംരക്ഷിക്കുന്നുവെന്നും രോഗശാന്തി നൽകി അനുഗ്രഹിച്ചു എന്നും ഞങ്ങൾ ഉറച്ചു വിശ്വസിക്കുന്നു.

ഈ വചനത്തിന്റെ ശക്തിയിൽ ഞാനും എന്റെ കുടുംബവും തമ്പുരാനും ഒത്തുമുള്ള ജീവിതത്തിൽ മുന്നോട്ടുപോകുന്നു.

LOAF TIDINGS

വചനത്തിൽ അടിയുറച്ച വിശ്വാസജീവിതം- ഇന്നത്തെ കത്തോലിക്കാകുടുംബങ്ങളുടെ വിളി

കർത്താവിന്റെ വചനം എന്റെ പാദങ്ങൾക്ക് വിളക്കും എന്റെ വഴികളിൽ പ്രകാശവുമായി!