LOAF Thrissur Newsletter

വചന വായന നമുക്ക് മുന്നോട്ടുള്ള വെളിച്ചം നൽകുന്നു. ഒരു ടോർച്ച് ലൈറ്റ് തരുന്ന ദൂരം എങ്കിലും വെളിച്ചം കിട്ടാതെ കടന്നു പോകില്ല. അനുദിന വചന വായന വെളിച്ചം നൽകി നമ്മെ മുന്നോട്ട് നയിക്കാൻ പര്യാപ്തമാണ്. നാളെയെക്കുറിച്ചു നിങ്ങള്‍ ആകുലരാകരുത്‌. നാളത്തെ ദിനംതന്നെ അതിനെക്കുറിച്ച്‌ ആകുലപ്പെട്ടുകൊള്ളും. ഓരോ ദിവസത്തിനും അതതിന്റെ ക്‌ളേശം മതി. മത്തായി 6 : 34 ഓരോ ദിവസവും മുന്നോട്ട് നീങ്ങാനുള്ള വെളിച്ചം വചനം നൽകുന്നു. കുടുംബത്തിൻ്റെ വിശുദ്ധ ശീലങ്ങളിൽ അനുദിന വചന വായന ഉൾപ്പെടുത്തേണ്ടത് ആത്മീയ ജീവിതത്തിന് അത്യാവശ്യമാണ്. ഒരു ദിനം ഒരു വചനം പഠിച്ച് നമ്മുടെ മനസാകുന്ന വയൽ നട്ട് നനച്ച് ഒരുക്കി വിത്ത് വിതറുമ്പോൾ വലിയ ഫലം കൊയ്യാൻ ദൈവം നമ്മെ പ്രാപ്തരാക്കും. നല്ല നിലത്ത് വീണ വിത്ത് എന്ന് പറയുമ്പോൾ എന്തായിരിക്കും ഉദ്ദേശിക്കുന്നത്? ഒരു care taker ഉള്ള സ്ഥലം എന്ന് തന്നെയാണ്. എത്ര നല്ല നിലത്ത് വീണാലും അതിനെ കൃത്യമായി പരിപാലിച്ചാൽ മാത്രമേ അവിടെ ഫലം ലഭിക്കൂ. റോഡ് അരികിൽ തൊഴിലുറപ്പ് സ്ത്രീകൾ ഉണ്ടാക്കുന്ന പൂന്തോട്ടങ്ങൾ ശ്രദ്ധിച്ചിട്ടുണ്ടോ… അവയെ കൃത്യമായി പരിപാലിക്കുന്നത് കൊണ്ടല്ലേ അവിടെ ഫലം ഉണ്ടാകുന്നത്. നമ്മുടെ ഹൃദയം നല്ല നിലമായും നമ്മുടെ പരിശ്രമങ്ങളിലൂടെ നല്ല care taker ആയിയും നമുക്ക് ജീവിക്കാം. ദൈവം നമ്മുടെ കുടുംബങ്ങളിൽ വചനം നൂറു മേനി വിളയിപ്പിക്കട്ടെ.